Ä Fasnacht ooni Sujet isch nur halb erfyllt!

Well daas so isch, mache myr do mit!

 

S'Sujet z'finde isch nit immer ayfach,

denn do söt so Aynig's unter ay Dach.

 

S'passiert viil so unterem Joor,

doch waas nimmsch und waas nimmt s'Puplikum woor?

 

Waas isch neytral und nit z'ärnscht vom Thema häär, waas passt zur Zyt und isch nid z'schwäär?

 

Es söll zwaar scho au ebbis si zum nochdängge.

doch söll's au zem eme lächle längge.

 

Daas isch nid immer ayfach in dr'hytigge Zyt,

drum goot "luschtig si", halt mängisch nit.

 

An d'Baasler Fasnacht, isch daas halt e so,

wägg dr'Fasnacht sayt "ME" nid ayfach ze allem JO!

 

Diä Sujet's verzelle kay Mischt,

Naay...!!! Diä zaygge, "wiä,... "es dem Bürger so "zu Mute".. ischt!.

 

Drum diän au myr schriibe waas myr so dängge,

viellicht chönne "Myr", mit Dääm au "Dich" zum dängge längge!

 

Tattoo-Waggis.ch

Copyright by Tattoo-Waggis.ch All Rights are reserved.

Charivari 2017

Denn isch Morgestraych! 

 

2018 19. Februar

2019       11. März
2020 02. März
D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache.