Alles het irgend wo si Afang...

Daas Tattoo z'Baasel isch e mega Hit
drum göön myr mit däm Trend au mit.

Nyiämer het's am Afang glaubt,
daas dä Aalass scho fascht uf Platz ayns abhaut.

Myr hän is vo dene scheene Klääng au lo beryiäre 
und iis vo dene Dudelsegg lo verfiiäre.

Nach langem stuunä, loosä, lueggä und mitschwoofe,
hämmer nohär fascht nyme kenne schloofä.

Doch hämmer dänggt, daas isch doch schwäär
und trotzdäm muess e sone Yäbigsteili häär.

Jetzt wäär e Sagg no cool..hämmer dänggt
und scho het dr aynd em andere, zur Wiähnachtä Ayne gschänggt.

Yberwältigt vo däm Gschängg, hämmer natyrlig grad in d' Zuäkunft dänggt
und do het sich natylrlig, au grad e Sujet fyr d' Fasnacht ufdrändggt.

Und waas jetzt chunt, daas isch e Hit
myr nämme daas Deili an d' Fasnacht ayfach mit.

Nach langem hii und langen häär, 
hämmer g'merggt "...ooooh shit.." daas isch no schwäär,
e Gostym z'finde wo do passend wäär.

Doch het's e dudelndä Waggis mit enere Velobumpi bis hyt no nid gää,
und drum wärde mer "Dä" jetzt au nää.

E Waggis isch e cooli Sach,
denn e Waggis macht au Krach.

Fyr e Kilt het's layder daas Mool nonig glänggt,
dä chund denn s'nächscht Joor hämmer dänggt.

Tattoo-Waggis diän myr hayssä
und diän is so, in d'Baasler Gasse schmaysse.


(Ybrigens:...isch d' Basler Fasnacht nit scho längscht uf sini Art,... eins vo dä 'gröschte Tattoo's vo dr Wält?)


Copyright by Tattoo-Waggis.ch All Rights are reserved.

Charivari 2017

Denn isch Morgestraych! 

 

2018 19. Februar

2019       11. März
2020 02. März
D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache.