Kriise, Kriise...
alli rede nur vo yrne Miise!

Alli rede vo Wirtschafts- oder Bankekrise,

doch myr löön is d'Fasnacht durch "DAS", nit vermiese.

 

D'Lyt schafe churz oder wärde entloo,

nur wääg e paar Bängger, wo dr'Hals nit gnueg voll hän kenne becho.

 

Passiert daas dyr, daas isch ä Gruus.

bechunsch kaiyKoole us em Bundeshuus.

 

Dich, lön si denn ganz klägligg verregge,

doch Banke kenne sich nach unsere Styrgälder stregge.

 

Hyt bisch ohni Gäld am Bestä dra,

denn hesch au kayni Leemen Aktie kha.

 

Denn wär si Gäld in Papieli duet inveschtiere,

duet hüt kreftig im Verluschttöpfli riere.

 

Hätte diä Mensche, daas isch doch woor,

ihr Gäld, Ideemensche gä mit Hut und Hoor,

würde si Gäld verdiänä und hätte meer....Joor für Joor.

 

D' Giir diä chunt halt vor em Fall,

drum rollt doch au dä Kriseball.

 

Doch an dr Fasnacht, daas isch e Hit,

nämme myr die Krise jetzt nit mit.

 

Mir göön in d'Gasse und dien schwoofe

und löön die Krise fyr drey Dääg schloofe.

 

Denn d'Muetter Fasnacht wot, daas isch doch schön...

daas myr diä Sorge, Dähayme leen.

 

Drum schmaysse myr yis in d'Waggis Hülle,

dien Dr'Dudelsagg mit Luft uffülle

und versuechä d'Härze vo dä Lyt, zem Guete z'drülle.

 

2009 Tattoo-Waggis

Copyright by Tattoo-Waggis.ch All Rights are reserved.

Charivari 2017

Denn isch Morgestraych! 

 

2018 19. Februar

2019       11. März
2020 02. März
D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache.