Steinbrück 
und die Alpenindianer!

Dr'Steinbrück isch e arme Maa
und sött dringed viel mehr Koole ha.
 
Er froggt sich....waas chönnt i do nur mache,
daas nit diä ganzi Wält yber uns duet lache.
 
D' Schwiiz und si Volgg drfyr z'blooge, isch sie Plan
und ziät daas dure in sim Stürgäldwaan.
 
D' Schwiizer hän doch Gäld daas isch doch klar
do hol ich mini Koole, daas isch doch wunderbar.
 
Er schimpf und wäteret und faart is voll an Chare
dass mir daas Banggekaymnis dien bewaare.
 
Ich bruch doch Kohle und diä will ich hole
drum duni dene e schwarzi Lischt vormole.
 
Am Fährnseh duet er vollgas gä und luthals duet er dert verkinde,
dass d' Schwizer e neue Indianerstaat dien grinde.
 
Er deubelet mit roten Kopf
und bechunt dr bi fascht no e Kropf.
 
Entschuldigä muess är sich bi uns, daas isch e Hit
do mache sini andere Kammerade nymme mit.
 
Uf eimol wais au dä sich no z' benäh
und duet s Wort Indianer nimm in d' Schnure näh.
 
In d' Feriä zu uns cha dä jetzt nymme ko
denn jedä kennt yin halt jetzt do.
 
Mir diän daas zwar als Schaad befinde
so kenne myr yin nit an Marterpfaal binde,
um yin umme danzä mit Pfiil und Booge
und yin mit rote Amayse blooge.
 
An d'Fasnacht söll er cho...daas wär e Hit,
denn kennte myr yin blooge und är erkennt is nit.
 
2010 Tattoo-Waggis

Copyright by Tattoo-Waggis.ch All Rights are reserved.

Charivari 2017

Denn isch Morgestraych! 

 

2018 19. Februar

2019       11. März
2020 02. März
D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache.