Goot d'Wält jetzt unter

 

und wird dr Ärdball waich?

 

Nai....wär verzellt denn so nä Saich!

 

Juhu Juhu myr sin no do

und kenne doch and Fasnacht go...

 

Waas yinigi wirgligg hän welle g'see

vo däm redet hyte nyiämer me.

 

Si hän gmaynt, daas Wält dut unter goo.

Doch sin mer Alli immer no do.

 

S' git sottigi wo e Punker hän baut.

und sottigi wo an kay Zuekunft me hän g'laubt.

 

Firmene wo drus hän Wärbig g'macht

und sich hinte ume hän ins Fischtli g'lacht.

 

Doch d'Mayas hän an däm Daag ä Feschtli g'macht

und yber all diä Wältuntergängler lut use g'lacht.

 

Si hän gwysst, dass daas nit ka si

und sin mit yiren Zuekunftsdänggä voll dr'bi.

 

Au myr hään gwysst, daas d' Wält denn nit duet ände

und alles sich zum Guete duet wändä.

 

Stell dr voor, daas wär so gsi,

denn wäre mer jo an kayner Fasnacht me drbi.

 

Daas wäär den wyrgligg ä risä Kataschtroffe,

denn kennte mer jo nim durch d'Basler Gassä schwoofe.

 

Die drey scheenschte Dääg wird's denn nimme gää,

aber die duet is au kay Maya Kaländer nä.

 

So jetzt dien mer diä Sach uf d'Site mache

und über die Pessimischte kreftig lache.

 

Myr geen an d'Fasnacht wie jedes Joor,

denn daas sin die drey scheenscht Dääg und das isch woor.

 

S'aynzig wo denn duet ändä, 

isch d'Fasnacht und daas duet in is zur Drurigkayt wändä.

 

Doch si chunt wiider, daas isch doch klar

und daas findä mir Joor fyr Joor wunderbar.

 

Au daas Joor mache mir wiider ganz kräftig mit

und findä d'Fasnacht wie immer ä riise Hit.

 

2013 Tattoo-Waggis

Copyright by Tattoo-Waggis.ch All Rights are reserved.

Charivari 2017

Denn isch Morgestraych! 

 

2018 19. Februar

2019       11. März
2020 02. März
D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache.