Wenn weniger bruchsch, "striichsch ayfach e NULL" und scho basst's!               He...so, wie du's grad bruuchsch!

 

Alli rede vom Spaare!!!

Myr Nit! Läbsch nur eimol! Oder?

 

Si reede vom Spaare 

und dien ins Usland, wäägem Spaare faare.

 

Denn Si mergge voor luter Spaare nit,

dass es Dähayme au tolli Lääde git.

 

So bassiert am Ändi, daas waas kayne will

und uf aymol gits vo dene Lääde nym so viil.

 

Daas isch doch nit glad, daas will doch e kayn,

drum chauf doch au i bi dir Dähaym!

 

Doch s‘ Spaare betrifft jo agäblig nyt nur dr klayni Maa,

well d’Nationalbangg dr €-Kurs ayfach so abasse kaa.

 

Doch goot do nit allne gliich,

diä aynte wärde äärmer, diä andere bliibe riich!

 

S‘ git sottigi wo hochi Hüüser dien baue,

so hooch, dass si de andere d'Sunne dien chlaue.

 

Staate wo „ohhh chum myr hän doch sooo viil Gäld“ dien dängge,

und grooszygig de Andere ebbis schängge.

 

„Set‘s nit länge, dien myr neys Gääld ayfach drugge“

daas fillt den scho diä entstandeni Lugge.

 

Die wo’s Gääld dien griäge, wänn denn aber nit spaare

und chaufe sich drmit grad emol zerscht e neye Chaare.

 

Si saage… spaare, spaare, spaare isch doch s’aynzig waare,

drum dien die Aynte neys Gääld drugge und die Andere yire neye Chääre faare.

 

Wäg em Spaare, dien Firmene Lyt entloo,

damit agäbligg  ka wiiter goo.

 

Die Groose chaufe mit yirem Gäld so mänge Schrott

und die Andere wärde kauft oder geen banggkrott.

 

Daas isch nit glatt, dass daas so duet laufe,

doch chasch dr mit dere Erkänntnis au nyt kaufe.

 

Drum isch uns daas jetzt gliich was die do dien mache

und fraye uns uf‘s Fasnacht mache.

 

Myr geen and Fasnacht und leens deert krache

und dien lieber mit unsere Fasnachtsfrynde freehlig lache.

 

Denn daas chasch nit eifach so immene Laade kaufe und daas koschtet au nyt,

well an dr Fasnacht triffsch automatisch viil tolli Lyt.

 

Waas Du do mit duesch nää, an Energie fyr‘s ganze Joor,

bechunsch gratis an dr Fasnacht und daas isch woor.

 

Drum rede mir jetzt nym vom Spaare und geen an d’Fasnacht als wenn nyt wäär,

 

denn an de drey scheenscht Dääg "nit z’Spaare", dasch wirgglig nit schwäär.

 

Tattoo-Waggis.ch 2016

Charivari 2017

Denn isch Morgestraych! 

 

2018 19. Februar

2019       11. März
2020 02. März
D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache.